ހަނިމާދޫ އެއަރޕޯޓް ހިންގުމަށް މުއިއްޒު ހުށައެޅުއްވި ހުށައެޅުން އިންޑީޔާއިން ބަލަމުން ދަނިކޮށް، އެއާޕޯޓެއް ހިންގަން ބޭރުގެ ބަޔަކަށް ނުދޭނެ ކަމަށް މިނިސްޓަރ އަމީން ހާމަކޮށްފިއެވެ.
މިނިސްޓަރު އަމީން ވިދާޅުވިއިރު، އިންޑިއާގެ އެގްޒިމް ބޭންކުން ދީފައިވާ 800 މިލިއަން ޑޮލަރުގެ ލައިން އޮފް ކްރެޑިޓްގެ ދަށުން 136 މިލިއަން ޑޮލަރު (ދެ ބިލިއަން ރުފިޔާ) ހަރަދު ކޮށްގެން ތަރައްގީ ކުރި ހދ. ހަނިމާދޫ އިންޓަނޭޝަނަލް އެއާޕޯޓް ހިންގަން އެ ގައުމުގެ އެހީތެރިކަމަށް ދިވެހި ސަރުކާރުން ހުށަހަޅާފައިވާ ކަމަށް ބުނެ އިންޑިއާގެ “ދަ ހިންދޫ” ނޫހުން ވަނީ ރިޕޯޓްވެސް ކޮށްފައެވެ.
ޚާރިޖީ ގުޅުންތަކަކީ ރައީސް މުއިއްޒު ކުޅޭ ކުޅިވަރަކަށް ހައްދަވައި، އެއްދުވަހު ދެއްވާ ދައުވަތު އަނެއް ދުވަހު ކެންސަލްކޮށް ހެއްދެވުމުން ބޭރުގެ ހުރިހާ ޤައުމެއްގެ މެދުގައި ރާއްޖޭގެ އަގު ވެއްޓިދެއެވެ.
އިންޑިޔާއިން ހދ. ހަނިމާދޫ އެއަރޕޯޓް ދޭކަށް ނޭދެއެވެ. އެތަން ހިންގަދިނުމަށް އިންޑިޔާ ކިބައިން އެދުނީ މުއިއްޒުއެވެ. އެވާހަކަ އިންޑިޔާގެ މީޑިޔާއަށް ތިލަވުމުން މިފަހަރު މީޑިޔާއިން ދޮގު ހަދަނީ ކަމަށް ބުނެ ކަން އޮޅުވާލެވެން ނެތެވެ. މިކަން ރާއްޖޭގެ މީޑިޔާއަށް ތިލަވެ، މުއިއްޒުއަށް ފާޑު ކިޔުން އަމާޒު ވުމުން ޚާރިޖީ ސިޔާސަތެއް ބަދަލު ކޮށްލީއެވެ.
ޤައުމުތަކާއި ގުޅިގެން އެއްބައެވަންތަ ކަމާއި އެކު އުޅުމަކީ ޤައުމުގެ މިނިވަންކަން ދެމެހެއްޓުމަށް ކޮންމެހެން ބޭނުން ތެރިކަމެކެވެ. ނަމަވެސް ރައީސް މުއިއްޒަކީ އެއްވެސް ކަހަލަ ޚާރިޖީ ސިޔާސަތެއް ދަންނަ ފަރާތެއް ނޫނެވެ.
